बलिउड अभिनेता गोविन्दा र कमेडियन कृष्णा अभिषेकको ७ वर्षको झगडा सकिएपछि नेटफ्लिक्सको शो 'द ग्रेट इन्डियन कपिल शो' मा एकसाथ देखिएका थिए।
यसैक्रममा उनीहरूले दुईले डान्स पनि गरेका थिए। कृष्णाले पहिला गोविन्दाको कपडा चोर्ने समेत बताए। साथै उनले यस एपिसोडमा ५ लाखको जुत्ता लगाएको बताए।
'यस्तो मिलाप भयो, मज्जा आयो। यो राम्रो पलमा एक थियो। हामी साथ थियौं। आज पनि उनले एक्टको बीचमा मेरो क्लास लिनुभयो। उहाँले मलाई धेरै कुरा गर्ने मौका दिनु भएन। तर म भन्न चाहन्छु कि मैले उहाँको धेरै कुरा चोरेको छु। उहाँलाई यस बारेमा थाहै छैन। मसँग उहाँको कपडाको एक कलेक्सन छ। जुन उहाँले आफ्नो गीतमा लगाउनु भएको थियो,' उनले भने।
