हलिउड अभिनेता टम हल्याण्ड र अभिनेत्री जेन्डायाले इन्गेजमेन्ट गरेका छन्।
टिएमजेडको रिपोर्ट अनुसार 'स्पाइडर म्यान' मा काम गरेका टम र जेन्डायाले हालै इन्गेजमेन्ट गरेका हुन्। तर उनीहरू दुवैले इन्गेजमेन्टको बारेमा खुलासा गरेका छैनन्।
रिपोर्टका अनुसार उनीहरूको इन्गेजमेन्टमा परिवार समेत सामेल थिइनन्। ८२ औं गोल्डन ग्लोब अवार्डमा जेन्डायाको औंलामा औँठी देखिएको थियो। त्यसको केही समयपछि टम र जेन्डायाको इन्गेजमेन्टको खबर बाहिरिएको हो।
टम र जेन्डाया २०२१ देखि प्रेम सम्बन्धमा छन्। उनीहरू प्राय कार्यक्रममा पनि एकसाथ देखिन्छन्।
'स्पाइडर म्यानः नो वे होम' पछि टम र जेन्डाया मार्भल फिल्ममा एकसाथ देखिनेछन्। उनीहरू क्रिस्टोफर नोलनको आगामी फिल्म 'द ओडीसी' मा एकसाथ देखिनेछन्। यो फिल्म २०२६ मा रिलिज हुनेछ।
