भारतीय रियालिटी शो 'सारेगमप २०२४' को विजेता आगराकी श्रद्धा मिश्रा बनेकी छन्।
उनले सुभाश्री देबनाथ र उज्जवल मोतीरामलाई पछि पार्दै विजेताको उपाधि पाएकी हुन्। उनले ट्रफीसँगै १० लाख भारू रकम पाएकी छन्।
सुभाश्री देबनाथ फर्स्ट रनरअप र उज्जवल मोतीराम सेकेन्ड रनरअप बनेका छन्। फिनालेमा उदित नारायण र कविता कृष्णमुर्तीले प्रस्तुति दिएका थिए।
भारतीय सञ्चारमाध्यम दैनिक भास्करसँग कुराकानी गर्दै श्रद्धाले भनेकी छन्, 'मैले आफूलाई विजेताको रूपमा देख्दा अविश्वसनीय थियो। आज पनि मलाई विश्वास लागिरहेको छैन कि यो ट्रफी मसँग छ र मैले विजेताको शीर्ष पाइसकें। यो पैसाले म आफ्नो बुबाको खुट्टाको उपचार गर्न चाहन्छु।'
