अभिनेता करणवीर मेहरा भारतीय टिभी रियालिटी शो 'बिग बोस सिजन १५' को विजेता भएका छन्।
आइतबार भएको फिनालेमा करणले विवियन डिसेनालाई पछि पार्दै उपाधि जितेका हुन्। उनले 'बिग बोस १८' को ट्रफीसँगै ५० लाख भारू प्राप्त गरे।
'बिग बोस १८' जित्नुअघि करण 'खतरों के खिलाडी १४' को विजेता बनेका थिए।
दिल्लीमा जन्मिएका करणले टिभी शोज, वेब सिरिज र फिल्ममा काम गरेका छन्। सन् २००५ मा टिभी शो 'रिमिक्स' बाट उनले अभिनय सुरू गरेका थिए। यसमा उनले आदित्यको भूमिका निर्वाह गरेका थिए।
उनले 'साथ रहेगा अलवेज, सती.. सत्यकी शक्ति, विरूद्ध, हम लडकिया, बहनें, पवित्र रिश्ता' जस्ता टेलिभिजन शोमा काम गरेका छन्। उनले वेब सिरिज 'इट्स नट दैट सिंपल', 'पोइजन २' मा काम गरेका छन्। त्यस्तै उनले 'द्रोणा, आगे से राइट, मेरे ड्याडीकी मारूति, रागिनी एमएमएस २, बदमाशियां' जस्ता फिल्ममा काम गरेका छन्।
