अभिनेता प्रशान्त तामाङले चर्चित वेब सिरिज 'पाताल लोक २' मा अभिनय गरेका छन्।
यस सिरिजमा उनले स्नाइपर ड्यानियलको भूमिका निर्वाह गरेका छन्। यतिबेला उनको अभिनयको तारिफ भइरहेको छ।
१७ जनवरीदेखि अमेजन प्राइम भिडिओमा रिलिज भएको 'पाताल लोक २' लाई दर्शकले रूचाइ रहेका छन्। पाताल लोकमा जयदीप अहलावतले हाथीराम चौधरीको भूमिका निर्वाह गरेका छन्।
अमेजोन प्राइमले अभिनेत्री अनुष्का शर्मासँग मिलेर निर्माण गरेको 'पाताल लोक २' मा जयदीप र प्रशान्तसँगै इश्वाक सिंह, गुल पनाग, नागेश कुकुनूर, तिलोत्तम शोमलगायत कलाकारको अभिनय छ। यसलाई अविनाश अरूणले निर्देशन गरेका हुन्।
प्रशान्त तामाङ 'इन्डियन आइडल ३' को विजेता हुन्। प्रशान्त नेपाली दर्शकमाझ पनि उतिकै चर्चित छन्। 'गोर्खा पल्टन' बाट अभिनय सुरू गरेका उनले 'परदेशी', 'परदेशी २' लगायत फिल्ममा अभिनय गरेका छन्।
