तेलुगु एक्सन थ्रिलर फिल्म 'डाकू महाराज' २१ फेब्रुअरीबाट नेटफ्क्सिमा रिलिज हुँदैछ।
हालै नेटफ्लिक्सले एक पोस्टर जारी गर्दै उक्त जानकारी दिएको हो। तर पोस्टरमा फिल्मकी मुख्य अभिनेत्री उर्वशी रौतेला देखिएकी छैनन्।
फिल्म रिलिजअघि उनलाई पोस्टरमा समावेश गरिएको थियो। तर नेटफ्लिक्सले सार्वजनिक गरेको पोस्टरमा उनी देखिएकी छैनन्। पोस्टरमा उर्वशी नदेखिएपछि उनका फ्यानहरूले प्रश्न उठाइरहेका छन्।
'फिल्मकी मुख्य अभिनेत्री कहाँ गइन्, जसको दममा फिल्मले १०५ करोड भारू कमाएको थियो?,' एक सामाजिक सञ्जाल प्रयोगकर्ताले सोधेका छन्।
अर्काेले सोधेका छन्, 'फिल्मको पोस्टरबाट उर्वशी किन गायव छिन्?'
यो फिल्म १२ जनवरीमा रिलिज भएको थियो। फिल्ममा नन्दमुरी बालाकृष्णा, उर्वशी रौतेला, बबी देओल, दुलकर सलमानलगायत कलाकारको अभिनय छ। तर फिल्ममा समावेश एक गीत 'दबिन्डी दिबिन्डी' को निकै आलोचना भएको थियो। सामाजिक सञ्जाल प्रयोगकर्ताले यस गीतलाई अश्लील र घटिया बताएका थिए।
