बलिउड अभिनेत्री सान्या मल्होत्रा अभिनीत फिल्म 'मिसेज' ७ फेब्रुअरीदेखि जी ५ मा रिलिज भएको छ।
यस फिल्ममा एक घरेलु महिलाको कहानी देखाइएको छ। जो आफ्नो सपनालाई छाडेर घर सम्हाल्न मजबुर हुन्छिन्। फिल्मलाई दर्शकले निकै रूचाइरहेका छन्। तर अभिनेत्री कंगना रनावतले फिल्मको नाम नलिई यसको कन्सेप्टमाथि आलोचना गरेकी छन्।
कंगनाले आफ्नो इन्स्टाग्रामको स्टोरीमा लेखेकी छन्, 'म ठूलो हुँदै गर्दा आफ्नो घरमा हुकुम नचलाउने महिला देखिनँ। कति बेला खाना खाने, कति बेला बाहिर जाने र कति बेला सुत्ने, आफ्नो श्रीमानले खर्च गरेको एक-एक पैसाको हिसाब राख्थे। केटाहरू बाहिर गए र साथीसँग रक्सी पिएको निहुँमा झगडा पर्थ्यो। बुबा हामीसँग बाहिर खाना खान जादाँ आमा कराउनु हुन्थ्यो। किनकी हाम्रो लागि खाना बनाउनु उहाँको खुशी थियो। यसरी महिलाहरू धेरै कुरा कन्ट्रोल गर्थे। बुढो मान्छे बच्चाको काम गर्थे र उनीहरूको इमोशनल सपोर्ट हुन्थे। घरका महिला रानी थिए। महिलालाई कम महत्व दिने हुन सक्छ तर संयुक्त परिवारमा यस्तो कुरा सामान्य हो। बुढा मान्छेलाई राक्षस देखाउन बन्द गर्नुस्,' उनले लेखेकी छन्।
उनले फिल्मको कन्सेप्टको आलोचना गर्दै लेखेकी छन्, 'विवाह अटेन्सनको लागि गरिदैन। कमजोर व्यक्तिलाई बलियो बनाउन गरिन्छ। यो बुढा र बच्चाको लागि जरूरी हुन्छ। दुवै हेल्पलेस हुन्छन्। आमाबुबाले हाम्रो लागि सबै गरे तर उनीहरूले कहिले प्रश्न उठाएनन्। बलिउडको केही लभ स्टोरीले विवाहको मतलब नै खराब गरेका छन्। विवाह त्यस्तै हुनुपर्छ जो पहिलादेखि थियो। विवाह एउटा धर्म हो, जसको अर्थ अनिवार्य रूपमा कर्तव्य हुन्छ। बस आफ्नो कर्तव्य निर्वाह गर्नुस्। आफ्नो काम गरेर अगाडि बढ्नुस्।'
