भारतीय गायक तथा अभिनेता गुरू रन्धावा घाइते भएका छन्।
उनी आफ्नो आगामी फिल्म 'शन्की सरदार' को सेटमा घाइते भएका हुन्। गम्भीर चोट लागेपछि उनलाई अस्पतालमा भर्ना गरिएको छ।
यस कुराको जानकारी उनले आफ्नो इन्स्टाग्राममार्फत दिएका हुन्। 'मेरो पहिलो स्टन्ट, मेरो पहिलो चोट, तर मेरो आत्मा अटूट छ। शन्की सरदारको सेटबाट एक याद। एक्सन वाला काम निकै मुश्किल हुन्छ,' उनले लेखेका छन्।
रन्धावाले पोस्ट गरेको तस्बिरमा उनको टाउकोमा चोट लागेको देख्न सकिन्छ। उनको पोस्टपछि उनका फ्यानले छिट्टै निको हुन कामना गरेका छन्।
धिरत रतनले निर्देशन गरेको फिल्म 'शन्की सरदार' मा रन्धावासँगै बब्बू मान, हशनीन चौहान, करीना सोरेली, निमृत अहलूवालिया लगायत कलाकारको अभिनय छ।
