बलिउड अभिनेत्री सुष्मिता सेनले आफ्नो बिहेबारे बोलेकी छन्।
उनले आफ्नो इन्स्टाग्राम लाइभ सेशनमार्फत फ्यानसँग कुराकानी गरेकी थिइन्। जहाँ उनले विवाह गर्ने बारे कुराकानी गरेकी हुन्।
'म विवाह गर्न चाहन्छु। कोही विवाह गर्न लायक मान्छे पनि चाहियो। यतिकै विवाह कहाँ हुन्छ। निकै रोमान्टिक तरिकाबाट त दिलको सम्बन्ध हुन्छ। दिलसम्म त कुरा पुग्नु पर्याे नि,' उनले भनेकी छन्।
सुष्मिताले करिब तीन वर्ष मोडल रोहमन शालसँग डेट गरेकी थिइन्। उनीहरूबीच १५ वर्षको अन्तर थियो। उनीहरू लिभइन रिलेशनशिपमा पनि बसेका थिए। तर सन् २०२१ मा उनीहरूको ब्रेकअप भयो।
ब्रेकअपको केही समयपछि सुष्मिताको नाम आईपीएलका फाउन्डर पूर्व अध्यक्ष ललित मोदीसँग जोडिएको थियो।
