बलिउड अभिनेता गोविन्दा र उनकी श्रीमती सुनीता आहुजाको डिभोर्स हुन लागेको चर्चा छ।
भारतीय सञ्चारमाध्यमका अनुसार उनीहरूले ३७ वर्षपछि डिभोर्स गर्न लागेका हुन्। यस विषयमा गोविन्दाले कुराकानी गरेका छन्।
'यो बिजनेससँग जोडिएको कुराकानी हो। हाल म आफ्नो आगामी फिल्मको तयारीमा लागेको छु,' उनले भारतीय सञ्चारमाध्यम दैनिक जागरणसँग भनेका छन्।
गोविन्दाकी श्रीमती सुनीताले यस विषयमा केही बताएकी छैनन्। गोविन्दाको ३० वर्षकी मराठी अभिनेत्रीसँग प्रेम सम्बन्ध भएपछि डिभोर्स हुन लागेको बताइएको छ।
केही समयअघि सुनीताले गोविन्दासँग अलग बस्ने गरेको बताएकी थिइन्। उनीहरूको दुईटा घर छ।
गोविन्दा र सुनीताले ११ डिसेम्बर १९८७ मा विवाह गरेका थिए।
