बलिउड अभिनेता गोविन्दा र उनकी श्रीमती सुनीता आहुजाको डिभोर्स हुन लागेको चर्चा छ।
उनीहरूले ३७ वर्षपछि डिभोर्स गर्न लागेको बताइएको छ। गोविन्दा र सुनीताको डिभोर्सबारे गोविन्दाका भान्जा कृष्णा अभिषेकले कुराकानी गरेका छन्।
'यो सम्भव छैन। उहाँहरू आपसमा सबै सम्हाल्नु हुन्छ। उहाँहरू डिभोर्स लिनुहुन्न। मलाई थाहा छैन उहाँहरूबीच के भयो। यति वर्षदेखि उहाँहरूसँगै बसिरहनु भएको छ। उहाँहरू एक-अर्कालाई निकै माया गर्नुहुन्छ। त्यसैले उहाँहरूले डिभोर्स लिनुहुन्छ जस्तो लाग्दैन,' कृष्णा अभिषेकले भारतीय सञ्चारमाध्यमसँग भनेका छन्।
गोविन्दाकी श्रीमती सुनीताले यस विषयमा केही बताएकी छैनन्। गोविन्दाको ३० वर्षकी मराठी अभिनेत्रीसँग प्रेम सम्बन्ध भएपछि डिभोर्स हुन लागेको बताइएको छ।
केही समयअघि सुनीताले गोविन्दासँग अलग बस्ने गरेको बताएकी थिइन्। उनीहरूको दुईटा घर छ।
गोविन्दा र सुनीताले ११ डिसेम्बर १९८७ मा विवाह गरेका थिए।
