प्राध्यापक पी. खरेलको नयाँ पुस्तक 'डेमोक्रेसी रप्चर, च्यानल क्याप्चरः वेनिथ एण्ड वियोण्ड द बोर्डर्स' सार्वजनिक भएको छ।
सोमबार त्रिभुवन विश्वविद्यालयको पत्रकारिता तथा आमसञ्चार केन्द्रीय विभागमा रेक्टर प्रा डा खड्ग केसी, पत्रकारिता तथा आमसञ्चार केन्द्रीय विभागका प्रमुख कुन्दन अर्यालले पुस्तक सार्वजनिक गरेका हुन्।
पुस्तक सार्वजनिक गर्दै केसीले नेपालको प्राध्यापन पेसामा खरेल ‘आइकन’ रहेको उल्लेख गरे। उनको नयाँ पुस्तक अध्ययन अध्यापनमा संलग्न हुनेहरूका लागि उपयोगी हुने बताए।
कार्यक्रममा विभागीय प्रमुख अर्यालले पत्रकारिता र आमसञ्चारको अध्ययन–अध्यापनमा संलग्नहरूलाई थप उत्प्रेरणा प्रदान गरेको बताए।
'अध्ययन–अनुसन्धान र लेखनका लागि, उत्प्रेरणा सार्थक प्राज्ञिक गतिविधिलाई थप गति प्रदान गर्नका लागि खरेल सरकै प्रेरणा हो,' उनले भने।
पुस्तक प्रकाशन मण्डप पब्लिकेशन हाउसले गरेको हो। पुस्तकको मूल्य ५०० रुपैयाँ राखिएको छ।
