प्रधानमन्त्री केपी शर्मा ओलीले बालगायक सचिन परियारलाई श्रद्धाञ्जली व्यक्त गरेका छन्।
उनले सामाजिक सञ्जालमा फेसबुकमा लेखेका छन्, 'बाल गायक सचिन परियारको निधन भएको खबरले धेरै दुःखी छु। एकजना प्रतिभाशाली बालकमाथि पारिवारिक बेमेल र सामाजिक सञ्जालको भाइरल प्रवृत्तिले असर पुर्याएको यस घटनाले सामाजिक सम्बन्धका संवेदनशील विषयमा सजग भएर मात्र प्रतिक्रिया दिनु पर्छ भन्ने सबैलाई पाठ सिकाएको छ। बाल गायक सचिनलाई हार्दिक श्रद्धाञ्जली।'
सचिनको महाराजगन्जस्थित त्रिवि शिक्षण अस्पतालमा उपचारका क्रममा बिहीबार निधन भएको छ। उनी १३ वर्षका थिए।
सामाजिक सञ्जालबाट चर्चामा आएका सचिनले केही गीत गाउनुका साथै म्युजिक भिडिओमा समेत अभिनय गरेका थिए। सचिनको निधनमा थुप्रै कलाकारहरूले श्रद्धाञ्जली व्यक्त गरिरहेका छन्।
