ग्लोबल आइएमई बैंकले गत आर्थिक वर्ष २०८०/८१ को नाफापछि सेयरधनीलाई ५.५ प्रतिशत बोनस सेयर घोषणा गर्यो।
बैंकले कर प्रयोजनको लागि तिर्नुपर्ने रकम भने लगानीकर्ताले नै तिर्नुपर्ने व्यवस्था गरेको छ। अहिले कतिपय लगानीकर्ताको सेयर खाता (डिम्याट खाता)मा बोनस सेयर जम्मा भएको छ भने कतिपयको खातामा जम्मा हुन बाँकी छ।
विशेष गरी २०७९/०९/२५ गतेसम्म सेयर किनेर र अहिले पनि सो सेयर रहेकाहरूको खातामा सोझै बोनस जम्मा भएको छ।
यो मितिमा यस बैंकले बैंक अफ काठमाण्डुसँग मर्ज भएर एकृकीत कारोबार गरेको थियो। त्यो सयमसम्म कायम सेयरधनीले लगातार दुई वर्ष कर छुट पाएकाले उनीहरूको डिम्याट खातामा सोझै बोनस सेयर जम्मा भएको हो।
त्यसपछि बजारबाट सेयर किनेकाले भने आफैँले कर तिर्नुपर्ने भएको छ।
यसको लागि बैंकले सजिलो तरिका दिइएको छ। बैंकको सेयर रजिष्ट्रार ग्लोबल आइएमई क्यापिटलको साइटमा रहेको रिजल्ट्समा क्लिक गरेपछि ट्याक्स लायबिलिटी चेक भनेर देखाउँछ।
त्यसमा क्लिक गरेपछि लगानीकर्ताले आफ्नो हितग्राही खाता (बिओआइडी) नम्बर हाल्न सक्छन्। त्यसपछि चेक बटनमा क्लिक गर्न सक्छन्। लगानीकर्ताले कर तिर्नुपर्ने नपर्ने, कति तिर्नुपर्ने त्यसैमा देखाउँछ।
यसरी कर तिर्नपर्ने देखाएमा त्यही क्युआर कोड समेत दिइएको हुन्छ। क्युआर कोर्ड मार्फत् रकम भुक्तानी गरेपछि रकम भुक्तानी भएको भनेर देखाउने विवरण स्क्रिन सट लिएर [email protected] मा मेल गर्नुपर्छ।
