संस्कृति, पर्यटन तथा नागरिक उड्डयनमन्त्री बद्री प्रसाद पाण्डेले पर्यटन क्षेत्रको समृद्धिका लागि निजी क्षेत्र अघि बढ्नुपर्ने बताएका छन्।
प्रतिनिधि सभाको अन्तर्राष्ट्रिय सम्बन्ध र पर्यटन समितिको आजको बैठकमा उनले पर्यटन क्षेत्रको विकासका लागि तीन तहकाे सरकारलाई जाेड्न सरोकारवालाको दुई वटा बैठक सम्पन्न भइसकेकाे जानकारी दिए।
'पर्यटन क्षेत्रका समस्यादेखि एयरलाइन्ससम्मका समस्या हल गर्नका लागि बृहत रूपमा छलफलका लागि भेला गर्दै छाैं त्यसमा समितिकाे साथ र सहयोगकाे अपेक्षा गरेका छाैं,' उनले भने, 'पाेखरा र भैरहवाकाे विमानस्थल नियमित सञ्चालनका लागि हामी समीक्षा गरिरहेका छाैं, केही निकायहरू त्यहाँ गएपछि दुईवटा एयरपोर्ट नियमित सञ्चालन हुनेछन्।'
उनले पर्यटन संस्कृति नीति अन्तिम चरणमा रहेको र नागरिक उड्डयन सम्बन्धी विधेयक मन्त्रिपरिषद्ले पास गरिसकेको जानकारी गराए।
मन्त्रालयका सचीव गणेशप्रसाद पाण्डेयले मन्त्रालयका काम कारबाहीको बारेमा जानकारी गराउँदै पुँजी, प्रविधि, जनशक्तिको सीमितताले अपेक्षा अनुसारको काम गर्न नसकिएको उल्लेख गरे।
