काठमाडौंभित्र खानेपानी आपूर्ति नियमित नभएको भन्दै नेकपा (एमाले) को महानगर कमिटी आन्दोलित भएको छ।
एमालेको काठमाडौं महानगर कमिटीले रित्तो गाग्रीसहित शुक्रबार प्रदर्शन गरेको हो।
विरोध प्रदर्शनमा एमाले उपाध्यक्ष अष्टलक्ष्मी शाक्य, पोलिटब्युरो सदस्य रामेश्वर फुयालसहितका नेताहरू उपस्थित थिए।
सिन्धुपाल्चोकको मेलम्ची खोलाबाट सुरूङमार्फत् ल्याएको पानी अहिले बन्द छ। बागमती नदीलगायत उपत्यका पुराना स्रोतहरूले काठमाडौं उपत्यकाको माग धान्न सक्ने अवस्था छैन।
मेलम्चीबाट दिगो तरिकाले पानी ल्याउन सरकारले आलटाल गरेको भन्दै एमालेले प्रदर्शन गरेको हो।
तस्बिरहरूः
