अर्घाखाँचीमा जिप दुर्घटना भएको छ।
शनिबार बिहान भूमिकास्थान नगरपालिका-९ ढाँकाबाङमा लु १ ज १६६९ नम्बरको जिप भीरबाट झन्डै डेढ सय मिटर तल खसेको जिल्ला प्रहरी कार्यालय अर्घाखाँचीका प्रमुख डिएसपी प्रतितसिंह राठौरले जानकारी दिए।
उनका अनुसार जिप रोकेर चालक पसल गएका थिए।
गाडी न्युट्रलमै रहेको र अगाडिको सिटममा बालक बसेका थिए। चालक पसल गएको बेला अचानक जिप केही अगाडि बढेर भीरबाट खसेको डिएसपी राठौरले बताए।
उनका अनुसार जिपमा चारजना यात्रु थिए। दुर्घटनमा चारै जनाको गम्भीर घाइते भएका छन्। तीमध्ये २ जनाको अवस्था चिन्ताजनक रहेको डिएसपी राठौरले जानकारी दिए।
उनीहरूलाई उपचारका लागि अस्पताल लगिएको छ। जिपमा सवार यात्रुहरूको परिचय खुलिसकेको छैन।
चालक जिल्लाको भूमिकास्थान नगरपालिका – ८ का ३४ बर्षीय बसन्त खनाललाई नियन्त्रणमा लिएर सोधपुछ गरिएको डिएसपी राठौरले जानकारी दिए।
