कपिलवस्तु प्रहरीले सवारी ज्यान मुद्दामा अदालतले तीन वर्ष काराबासको फैसला सुनाएका एक व्यक्तिलाई पक्राउ गरेको छ।
कपिलवस्तु नगरपालिका – ४ मालटोलका रोहित यादव पक्राउ परेका हुन्।
जिल्ला अदालतले २०७९ साल भदौ ६ गते सवारी ज्यान मुद्दामा यादवलाई तीन वर्ष कैद सजाएको फैसला सुनाएको थियो। त्यसयता यादव फरार रहँदै आएका थिए।
बुधबार उनी पक्राउपछि अदालतमा पेस गरिएको थियो।
अदालतको आदेशले तोकिएको कैद भुक्तानका लागि तौलिया कारागारमा चलान गरिएको प्रहरी नायब उपरीक्षक मोहनमणि अधिकारीले जानकारी दिए।
