धनुषामा प्रहरीले हवाइफायर भएको छ।
मुखियापट्टि मुसर्निया गाउँपालिका-६ मा भन्सार छलीको सामान नियन्त्रणमा लिन खोज्दा एक राउन्ड हवाइफायर भएको हो।
सोही स्थानीय भजु यादवले अवैध रूपमा सामान भित्र्याएका छन् भनेपछि प्रहरी त्यहाँ पुगेको थियो। सामान नियन्त्रणमा लिन खोज्दा प्रहरीमाथि नै आक्रमण गर्न थालेपछि हवाइफायर गरिएको जिल्ला प्रहरी कार्यालय धनुषाका प्रवक्ता डिएसपी वरूणबहादुर सिंहले जानकारी दिए।
'भजुको घरबाट १४ बोरा भन्सार छलीका सामान बरामद गरिएको छ, त्यहाँ के छ भनेर हेर्न बाँकी छ,' उनले भने, 'यादव भने फरार छन्।'
प्रहरीले यस घटनामा थप अनुसन्धान गरिरहेको छ।
