फिफा महिला वरीयतामा नेपालको स्थान सुधार भएको छ। फिफाले जारी गरेको नयाँ वरीयतामा चार स्थान सुधार गर्दै नेपाल ९९औं स्थानमा आइपुगेको छ।
यसै महिना घरेलु मैदानमा म्यानमार, लेबनान र किर्गिस्तानसँगको प्रतिस्पर्धा पछि नेपालको वरीयतामा सुधार आएको हो।
नेपालले लेबनान र किर्गिस्तानलाई हराएको थियो। म्यानमारसँगको पहिलो खेल बराबरी खेलेको नेपालले फाइनल भिडन्तमा भने म्यानमारसँग पराजय भोगेको थियो।
दक्षिण एसियाको वरीयतामा नेपाल दोस्रो स्थानमा छ। शीर्ष स्थानको भारत ६९औं स्थानमा रहेको छ।
बंगलादेश १३३औं, पाकिस्तान १५७औं, श्रीलंका १५८औं, माल्दिभ्स १६३औं र भुटान १७१औं स्थानमा छन्।
