अद्वैत चन्दन निर्देशित फिल्म 'लवयापा' को पहिलो गीत सार्वजनिक भएको छ।
शुक्रबार जी-म्युजिक कम्पनी युट्युब च्यानलमार्फत फिल्ममा समावेशी 'लवयापा हो गया' बोलको गीत सार्वजनिक गरिएको हो। सार्वजनिक गीतमा अभिनेता जुनैद खान र अभिनेत्री खुशी कपूरलाई रोमान्टिक अवतारमा देख्न सकिन्छ।
यो फिल्म ७ फ्रेबुअरीमा रिलिज हुनेछ।
खुशी कपूर जान्हवी कपूरकी बहिनी हुन्। जान्हवीले केही सुपरहिट फिल्म दिएकी छन्। खुशीले २०२३ मा जोया अख्तरको फिल्म 'द आर्चिज' बाट अभिनयमा डेब्यू गरेकी थिइन्।
त्यस्तै जुनैद आमिर खानका छोरा हुन्। उनले फिल्म 'महाराज' बाट अभिनयमा डेब्यू गरेका थिए। पहिलो फिल्मबाटै उनले निकै तारिफ पाएका थिए।
जुनैद र खुशी दुवैको 'लवयापा' हलमा रिलिज हुने पहिलो फिल्म हो।
