बैंकहरूले नेपाल राष्ट्र बैंकमा राखेको ६० अर्ब रूपैयाँ आज (आइतबार) फिर्ता हुने भएपछि राष्ट्र बैंकले फेरि ४० अर्ब खिच्ने भएको छ।
आइतबार नै राष्ट्र बैंकले ४० अर्ब रूपैयाँ उठाउने भएको हो।
बैंकहरूको कर्जा विस्तारमा सुधार नभएर पैसा थुप्रिँदा राष्ट्र बैंकले प्रणालीबाट यसरी रकम तान्ने गर्छ।
राष्ट्र बैंकले २१ दिनको लागि यस्तो पैसा खिच्ने भएको हो।
निक्षेप संकलन उपकरण मार्फत् यसरी रकम राखिरहेका बैंकहरूले २.९९ प्रतिशत ब्याजदर पाइरहेका छन्।
पुस २५ गतेसम्म राष्ट्र बैंकमा बैंकहरूले राखेको रकम दुई खर्ब ९५ अर्ब रूपैयाँ थियो।
