सिन्धुलीमा मोटरसाइकल र गाडी ठोक्किँदा एक जनाको मृत्यु भएको छ।
मदन भण्डारी राजमार्गको सिन्धुली दुधौली नगरपालिका-४ स्थित एकहटियामा डकाहाबाट दुधौलीतर्फ जाँदै गरेको प्र २-०१-००१ ब ७०११ नम्बरको मोटरसाइकल र उदयपुर गाईघाटबाट काठमाडौंतर्फ आउँदै गरेको बा प्र ०३-०१ ज ४४५ नम्बरको गाडी आपसमा ठोक्किएको हो।
सिन्धुली तीनपाटन गाउँपालिका-१० औलाडाँडा बस्ने २६ वर्षीय प्रेमराना मगरको मृत्यु भएको जिल्ला प्रहरी कार्यालय सिन्धुलीका डिएसपी अनिलकुमार खड्काले जानकारी दिए।
'मोटरसाइकल चालकको उपचारको क्रममा मृत्यु भएको हो,' उनले भने।
उनका अनुसार उक्त दुर्घटनामा ९ जना घाइते भएका छन्।
घाइते हुनेमा उदयपुर त्रियुगा नगरपालिका-११ बस्ने ४३ वर्षीय रूक्मा बस्नेत, लालपत्ता गाउँपालिका-६ बस्ने २९ वर्षीया रोशनीमाया तामाङ, त्रियुगा नगरपालिका-१० बस्ने ७० वर्षीय सकुन्तला बस्नेत, सोही ठाउँका १६ वर्षीय आकृत खड्का छन्।
त्योसँगै त्रियुगाकै वडा-६ बस्ने ३५ वर्षीया तारा बिक, सोही वडा- ११ का ३७ वर्षीया बिन्दा कटुवाल, वडा-७ की सिजु राउत, उदयपुर रौतामाई गाउँपालिका-२ बस्ने १७ वर्षीय योन्जन खड्का र सिन्धुली दुधौली नगरपालिका-८ का ४८ वर्षीया चुडाकुमारी मिश्र घाइते भएका छन्।
