सानो गौचरन रंगशाला पुनःनिर्माणको काम धमाधम भइरहेको छ।
काठमाडौं महानगरपालिकाको लगानीमा मंसिर १२ गते शिलान्यास भएको रंगशाला पुनः निर्माणको काम अहिले धमाधम भइरहेको छ।
२२ करोड ९५ लाख ९३ हजार ९९९ लागत अनुमान गरिएको काम गर्न आव्हान गरिएको बोलपत्रबाट १८ करोड ८६ लाख ७४ हजार ८२७ रूपैयाँ कबोल गरेर शुभ कन्स्ट्रक्सनले पुनःनिर्माणको जिम्मेवारी पाएको छ।
रंगशालामा ९६×६२ मिटरको खेल मैदान हुनेछ। मैदानमा आकाशे पानी निकास प्रणालीसहितको कृतिम घाँस राखिनेछ। वरिपरि सिमा पर्खाल हुनेछ। यसमा २८ वटा चार पाङ्ग्रे र १७८ वटा २ पाङ्ग्रे सवारी साधन अट्ने क्षमताको पार्किङ् हुनेछ।
रंगशालाको भुइँ तलामा महिलाका लागि २३ वटा र पुरुषका लागि १६ वटा शौचालय हुनेछन्। पहिलो तलामा ७ वटा महिलाका लागि र ५ वटा पुरुषका लागि शौचालय हुनेछन्।
रंगशालामा एउटा फिजियोथेरापी कक्ष, ३ वटा पुरुषका लागि ३ वटा महिलाका लागि गरेर ६ वटा कपडा फेर्ने कोठा, एउटा प्राथमिक उपचार कक्ष र २ वटा टिम लकर हुनेछन्।
यो काम २०८२ चैत मसान्तभित्र सम्पन्न गरिसक्नुपर्नेछ। रङ्गशाला १८ रोपनी १ आना २ पैसा ३ दान (९२११.५ वर्गमिटर) क्षेत्रफलमा निर्माण हुनेछ। यसमा दर्शक क्षमता १ हजार ५ सय जनाको हुनेछ।
तस्बिरहरू:
-ink-1734513867.jpeg)
-ink-1734513866.jpeg)
-ink-1734513866.jpeg)
-ink-1734513866.jpeg)
-ink-1734513865.jpeg)
-ink-1734513865.jpeg)
-ink-1734513865.jpeg)
-ink-1734513865.jpeg)
-ink-1734513864.jpeg)
-ink-1734513864.jpeg)
सबै तस्बिरः नेपाल फोटो लाइब्रेरी
