इंग्लिस प्रिमियर लिगको लिभरपुल उपाधि होडमा बलियो बन्दै गएको छ।
लिगअन्तर्गत आइतबार भएको खेलमा लिभरपुलले वेस्ट ह्यामलाई ५-० गोलले पराजित गर्यो।
लिभरपुलका लागि पाँच फरक खेलाडीले गोल गरेका थिए। पहिलो हाफमा डियाज, गाप्को र सहालले गोल गर्दा दोस्रो हाफमा आर्नोल्ड र जोटाले गोल थपे।
हिजै उपाधि होडमा रहेको नटिघम फरेस्टले बर्नमाउथलाई २-० गोलले पराजित गर्यो। आइतबार हात पारेको जितले लिभरपुलले अंक तालिकामा दोस्रो स्थानको नटिघमभन्दा ८ अंक बढी जोडेको छ। यद्यपी नटिघमले एक खेल बढी खेलको छ।
शीर्ष स्थानको लिभरपुलको १८ खेलबाट ४५ अंक छ। दोस्रो स्थानको नटिघमको १९ खेलबाट ३७ अंक छ। १८-१८ खेल खेलेका तेस्रो स्थानको आर्सनलको ३६ अंक र चौथो स्थानको चेल्सीको ३५ अंक छ।
आइतबार नै लेस्टर सिटीलाई पराजित गरेको साविक विजेता म्यानचेस्टर सिटी १९ खेलबाट ३१ अंक जोडेर पाँचौं स्थानमा छ।
