अखिल नेपाल फुटबल संघ (एन्फा) ले एन्फा महिला लिगको अन्तिम चरणका खेल बिहीबारबाट आयोजना गर्दैछ।
अन्तिम चरणमा दोस्रो चरणबाट छानिएका पाँच टोली भिड्दैछन्। यसअघि असोजमा सकिएको दोस्रो चरणमा दश टोली भिड्दा पाँच टोली अन्तिम चरणमा पुगेका थिए।
यद्यपी शीर्ष पाँच भित्र परेर अन्तिम चरणमा छनोट भएको कोशी प्रदेशले आर्थिक समस्याका कारण हात झिकेपछि छैटौं भएको बामगती युथ क्लबले अवसर पाएको छ।
झन्डै एक महिना चल्ने प्रतियोगितामा बागमतीसँगै नेपाल पुलिस क्लब, नेपाल एपिएफ क्लब, त्रिभुवन आर्मी क्लब र वालिङ नगरपालिकले प्रतिस्पर्धा गर्नेछन्। सबै खेलहरू एन्फा कम्प्लेक्समा सञ्चालन हुनेछन्।
